Një qytetar, i cili nuk mban mend banesën e tij, është shoqëruar në ambientet e Komisariatit të Policisë Nr. 5.
Uniformat blu kërkojnë ndihmën e qytetarëve që mund të kenë dijeni për familjarët e tij.
Dyshohet se i moshuari vuan nga probleme të shëndetit mendor.
“Kamëz/Informacion paraprak
Më datë 31.03.2023, është konstatuar në Kamëz, i vetëm, një i moshuar që dyshohet se vuan nga probleme të shëndetit mendor. I moshuari nuk mund të identifikohet, nuk e mban mend banesën ku jeton dhe është shoqëruar në ambientet e Komisariatit të Policisë Nr. 5. Drejtoria Vendore e Policisë Tiranë fton qytetarët që mund të kenë dijeni për familjarët e tij të telefonojnë në numrin pa pagesë 112.”
