Presidenti ukrainas Volodymyr Zelensky dëshiron që homologu i tij rus Vladimir Putin të kalojë pjesën tjetër të jetës së tij në një bodrum duke përdorur një kovë për nevojat e tij personale, një praktikë që forcat ruse e kanë përdorur vazhdimisht për civilët ukrainas.
Zelensky i bëri komentet gjatë një vizite të hënën në një fshat në rajonin e Ukrainës veriore, ku trupat ruse mbanin civilët ukrainas të mbyllur në kushte çnjerëzore gjatë ditëve të para të pushtimit.
Prillin e kaluar, kur ushtarët ukrainas çliruan një fshat, ata zbuluan një bodrum në një shkollë ku rusët kishin mbajtur rreth 400 banorë robër për 27 ditë. 11persona vdiqën.
Zona rreth Kharkiv ishte nën pushtimin e trupave ruse për muaj të tërë. Forcat ruse u tërhoqën nga atje në fillim të shtatorit pas një kundërsulmi ukrainas. Në përvjetorin e çlirimit, Zelensky foli me vendasit dhe i falënderoi ata që luftuan me guxim për jetën e tyre.
“Pasi e pashë gjithë këtë, unë mund t’i uroj vetëm presidentit rus Putin që të kalojë pjesën tjetër të jetës së tij në një bodrum, duke përdorur një kovë për nevojat e tij personale”, tha ai.
Zelensky në vizitën në Jahidne u shoqërua nga zëvendëskancelari gjerman Robert Hambeck dhe sekretarja e përgjithshme e Këshillit të Europës Marisa Pejcinoviç Buric.
Zelensky ka udhëtuar disa herë në zonat e vijës së parë gjatë dy javëve të fundit. Në të njëjtën kohë, ai falënderoi Habekun dhe Buriç për praninë e tyre dhe siguroi se ishte e rëndësishme që aleatët e Ukrainës të shihnin situatën në vend.
“Është e rëndësishme që ata ta shohin këtë dhe të jenë në ato bodrume për të kuptuar nëse duhet të ndihmojnë Ukrainën apo të vazhdojnë të mendojnë se si të gjejnë një mënyrë për të biseduar me Rusinë ,” theksoi ai.
Zelensky tha se trupat ruse dhe lidershipi i vendit, përfshirë presidentin Vladimir Putin , ishin përgjegjës për tragjedinë.