Ervis Behari, këngëtari simpatik i muzikës së jugut i ka dhënë këto ditë fund beqarisë.
I konsideruar si një ndër zërat më të dashur të publikut dhe shumë i kërkuar në zonën e jugut të Shqipërisë, Ervisi është martuar në Bashkinë e Tiranës duke kurorëzuar dashurinë e tij disavjeçare.
I lindur në Fier, ai aktualisht jeton në Tiranë. Ai është angazhuar me muzikë në vitin 2015 kur edhe ka nxjerrë projektin e tij të parë.
Ai ka marrë pjesë gjithashtu në “Maratonën e këngës popullore shqiptare” në të cilë ka marrë duartrokitje pafund.
