Kandidati i opozitës për Bashkinë e Tiranës, Belind Këlliçi, tha se programi i tij ka në fokus vetëm qytetarët. Në një intervistë për emisionin “Open”, Këlliçi u shpreh se Erion Veliajt nuk i interesojnë qytetarët, ndërsa shtoi se është i gatshëm për një përballje por për të folur për ide dhe qytetarët, dhe jo për debat politik.
“Në këtë garë jam Belind Këlliçi dhe nuk preferoj të komentoj për kandidatët e tjerë dhe nuk do të jap asnjë koment për Roland Bejkon. Se kujt i shërben në këtë garë duhet të përgjigjet Bejko. Unë këtu vij pas një proçesi të gjatë, me rivalin që kam pasur në garë sot jemi të dy në ekip. Kemi dhënë një model krejt tjetër. Për debatin politik do të preferoja të pyesnit zotit Berisha, unë do të doja të fokusohet tek qytetarët.
Teksa komenton për kryetarin e Bashkisë së Tiranës Erion Veliajn, Këlliçi tha: Ai është në hall, nuk ka lidhje me qytetarët e Tiranës, ai ka hall të mbyllë dosjet. Jam 100% tek qytetari i Tiranës dhe nuk më intereson politika e ditës. Nuk ka asnjë bilanc, unë e ftoj sot, të vijë kur të dojë dhe të flasim për ide, zotëria kërkon debat politik. Unë jam këtu për transportin publik falas, për ujë 24 orë … Vendimin tim dhe mendimin tim në raport më zotin Berisha e kam dhënë më 2 dhjetor, kur edhe kam drejtuar Kuvendin”, tha ndër të tjera Këlliçi.