Nëna e Alban Velës, 17-vjeçarit, i cili u arrestua nga blutë e Durrësit për shpërndarjen e kokainës së bashku me të rinjtë e famshëm të “TikTok”, u shpreh se i kishte kërkuar djalit që të mos merrej me shpërndarjen e drogës, por pjesa tjetër e grupit ia kishte mbushur mendjen.
Ajo thotë se 17-vjeçari kishte rolin e shpërndarësit, ndërsa droga sigurohej nga “kokat” e mëdha.
“Unë i thoja të mos merrej, por ia mbushnin mendjen ata të mëdhenjtë, e merrnin ato kokat e mëdha. E kanë përdor si leckë. Nuk e di çfarë bënte çuni, shpërndante. Burrin e kam pa këmbë, vet në punë, djalin tjetër e kam të vogël, gocën të martuar, çunin tjetër e kam në Spanjë. Veç po u mor çuni në Spanjë me këtë. Atë ditë më morën në telefon dhe më thanë hajde se e kanë kap çunin.”