Mësuesja Merita Avdyli, në një lidhje në skype në emisionin “Good Morning Albanians”, tha se shqetësues është fakti se mësuesit në Britaninë e Madhe sillen dy herë më keq se sa nxënësit.
Sipas një studimi, janë përjashtuar përgjithmonë 1050 mësues për sulme fizike ndaj nxënësve, ndërkohë nga nxënësit janë përjashtuar 807 nxënës për sulme ndaj mësuesve.
“Abuzimi fizik dhe verbal ka ardhur gjithnjë në rritje, këto shifra çdo vit vazhdojnë të rriten dhe kjo është shqetësuese. Është shqetësuese fakti se mësuesit sillen 2-fish keq ndaj nxënësve. Sipas disa shifrave 29 mijë nxënës ishin të përjashtuar gjatë këtij viti për një periudhë të caktuar, kurse 807 ishin përjashtuar përgjithmonë për sulme fizike ndaj të rriturve. Ndërkohë janë përjashtuar 1050 mësues për sulme fizike ndaj nxënësve, ndërkohë janë përjashtuar përkohësisht 71,409 mësues”,-tha ajo.