Mati me Qendër të mirëfilltë Shërbimesh të Transportit Rrugor

Mati me Qendër të mirëfilltë Shërbimesh të Transportit Rrugor, Kontroll Fizik e Teknik për tërë shërbimet. Kreu i Transporti Rrugor Blendi Gonxhe deklaroi se ky transformim do u shërbejë drejtuesve të mjeteve të Bashkive Burrel dhe Klos, rreth 6,000 mjete rrugore dhe mbi 13 mijë drejtues mjeti.
“I vijmë në ndihmë komunitetit duke shkurtuar distancat, ulim kostot për sektorin dhe u kursejmë kohë qytetarëve dhe subjekteve që për kryerjen e shërbimeve me mjetin, për testime, certifikime e praktika të shumta duhet të udhëtonin drejt Peshkopisë, me një distancë rreth 162 km (3 orë e 20 minuta mesatarisht vajtje – ardhje)!
Investimi 100% nga DPSHTRR, pas kalimit të pronësisë së truallit si rezultat i bashkëpunimit me Bashkinë Burrel, tashmë në fazë prokurimi për ndërtimin e veprës!
Shërbime publike që përmirësojnë jetën e qytetarëve”, shkruan Gonxhe.