Kreu i Partisë Republikane, Fatmir Mediu, duke folur për nisjen e fushatës zgjedhore për vendoret e 14 majit, u ndal edhe te shpërthimi me tritol në Vaun e Dejës ndaj kreut të PD-së, Benard Ndreca.
Në një intervistë për “Panorama TV”, ai kërkoi që kjo ngjarje të zbardhet sa më shpejt nga autoritetet, në mënyrë që mos të krijohen shtigje për të thelluar më tej konfliktet.
“Ruajtja e jetës së qytetarit është përgjegjësi e shtetit, raste të tilla në fushatë krijojnë precedent në fushatë që mund të vazhdojnë. Kemi një sulm politik ndaj kandidatit të opozitës, pra sulm ndaj opozitës. Në këtë pikëpamje përgjigja e institucioneve duhet të jetë sa më i shpejtë, ndryshe krijon shteg për të thelluar më tej konfliktet dhe të krijohen pasoja të paparashikueshme.”