Marka luksoze Dior është akuzuar për racizëm për shkak të një reklame që tregon një modele aziatike duke tërhequr cepin e syrit. Fotoja u postua gjashtë ditë më parë nga labeli francez për të promovuar koleksionin e ri të grimit. Ajo tregon modelen duke tërhequr syrin e saj, ndërsa u fshi me shpejtësi.
Më vonë u ripostua nga përdoruesit e internetit në platformat e mediave sociale kineze, ku mori kritika dhe ndezi hashtag-un viral “Reklamë e kozmetikës Dior e akuzuar për diskriminim ndaj aziatikëve” në Weibo.
Komentet e zemëruara kanë vërshuar edhe llogarinë e labelit në Instagram. “Është diskriminim racor”, thuhet në një koment.
“A po përpiqeni të fitoni para dhe të luani racizëm në të njëjtën kohë?”, shkroi një përdorues kinez.
Për këto akuza, Dior nuk ka bërë asnjë koment publik.
Gazeta shtetërore Global Times botoi një editorial duke i bërë thirrje markës të kërkonte falje.
“Të tërheqësh sytë mbrapa”… tallje me pamjen e aziatikëve, veçanërisht aziatikëve lindorë,” tha gazeta. “Shpresojmë që Dior të përballet me gabimet e tij, të kërkojë ndjesë dhe përgjigje të sinqertë ndaj shoqërisë aziatike”.