Bledi nuk iu bashkua pjesës tjetër të banorëve mbrëmjen e kaluar, kur ata u mblodhën në dhomën e ndenjjes dhe luajtën “Përgjigju ose Pi’. Ai ndenji në dhomën e gjumit shtrirë, me justifikimin se nuk ndihej mirë.
Luizi shkoi në dhomën e gjumit dhe e pyeti Bledin se çfarë ka dhe përse nuk bashkohet me pjesën tjetër të banorëve. Ai u përgjigj se nuk ndihej mirë dhe se pret të dalë nesër nga shtëpia. Luizi u përpoq t’i mbushë mendjen atij që të mos dalë dhe i tha që çdo gjë që thotë apo bën në shtëpi, është në kuadër të lojës.
Bledi tha se nuk ka problem të justifikohet, pasi nuk i ka përmendur as familjen dhe as ndonjë gjë tjetër private, por se e ka ndarë mendjen të largohet. Ai u shpreh se donte të dilte që ditën që la burgun, por se Vëllai i Madh i kishte thënë që të dalë në “Prime”, ku do të japë edhe një deklaratë për vendimin e tij.
Kujtojmë se Bledi ka një mision sekret nga Vëllai i Madh, i cili duhet të shtiret sikur është mërzitur dhe sikur nuk e përballoi dot jetesën në burg. Për këtë mision janë në dijeni edhe Qetsori, Kristi dhe Deamishel, të cilët ishin “burgosur” bashkë me Bledin.