Sali Berisha doli këtë të hënë në një deklaratë për mediat nga selia blu, ku tha se gjatë turit elektoral në jugun e vendit ka konstatuar se socialistët ndanin ndjenja urrejtjeje ndaj “Rilindjes”.
Berisha ka akuzuar kryeministrin Rama për të cilin ka thënë se ka filluar terrorin duke angazhuar Policinë Bashkiake për të terrorizuar qytetarët. Ai thotë se është e sigurtë që kandidatët e primareve do të jetë fitues.
“Në jug konstatova që socialistët urrenin masivisht Rilindjen si një sekt hajnie. Edi Rama kishte filluar terrorin, angazhuar Policinë Bashkiake për të terrorizuar qytetarët. E sigurtë është se kandidatët e primareve do të jenë ato të fitores. Jugun e kemi gjetur në një gjendje që nuk e ka bërë asnjë pushtues”,-tha Berisha.
Kryedemokrati Berisha u shpreh se kudo ishin të sigurtë se Ramën e pret shumë shpejt fati i ish-zyrtarit të FBI-së, McGonigal.