Në fjalën e mbajtur në Forumin Ekonomik, kryeministri Edi Rama u ndal mes të tjerash edhe te pagat, për të cilat tha se qeveria po planifikon të tjera rritje në sektorin publik, teksa iu bëri thirrje sipërmarrësve privatë për bashkëpunim.
“Atëherë çfarë duhet bërë, duhet bërë ajo që po bëjnë disa nga kompanitë që po ndryshojnë lojën dhe po kalojnë në një tjetër nivel duke e lënë pas historinë e punës me vetëfitimin dhe duke kaluar në produktet e një modeli. E njëjta që vlen për të gjithë sektorët dhe atëherë ajo që është domosdoshmëri është një aleancë me bindjen që ky është një moment për ndryshim. Një aleancë e bazuar tek nevoja që në këtë moment Shqipëria ti qëndrojë kësaj stuhie e cila sapo ka filluar dhe do të vijë duke u fuqizuar, pasi Gjermani kërkon 7 milionë njerëz për t’i bërë rezistencë ekonomisë se saj deri në 2030 përfytyroni çfarë beteje është dhe padyshim që ne i kemi të gjitha mundësitë që ne ti mbijetojmë kësaj stuhie por ky është momenti që sipërmarrja duhet të bëjë një hap më shumë. Duhet vrapuar më shumë pasi është një luftë me sekondën, jo me ditën”, tha Rama.