Një ditë pasi sulmoi Luizin dhe Kiarën, mediat shkruajnë se Zhaklin Lekatari ka rënë pre e një sulmi, mesa duket nga fansat e banorëve, të cilët i kanë thyer xhamat e makinës.
Siç shihet dhe nga fotot, Lekatari është shfaqur e prekur nga ajo që i ka ndodhur, ndërsa pranë saj qëndron një mikeshë që e ngushëllon.
Në vendngjarje kanë mbërritur dhe forca policie, ndërkohë që ende nuk ka një njoftim në lidhje me autorët.
Por Lekatari shpjegon se lajmi është krejt i rremë. “Nuk është e vërtetë që më kanë goditur xhamin e makinës,” tha ajo. “Ngjarja që ka ndodhur nga e cila është marrë fotoja nuk ka lidhje fare me makinën time apo me Big Brother.”
Ajo shpjegoi më tej se prezenca e policisë ka qenë si pasojë e një diskutimi që nuk ka të bëjë aspak me automjetin e saj.
Ky lajm është përgënjeshtruar edhe nga Drejtoria Vendore e Policisë së Tiranës.