Pagë minimale 60 mijë Lekë brenda këtij mandati, është zotimi që kryesocialisti Rama bëri para qytetarëve të Gjirokastrës, nga ku vijon takimet elektorale.
“Ambicia jonë është që të shkojmë me patjetër në 60 mijë Lekë pagë minimale. Pa 60 mijë lekë pagë minimale detyra jonë është e papërmbushur”.
Kërkoi besimin e qytetarëve për të vijuar transformimin e qyteteve.
“Kush shkonte në Libohovë për turizëm? As që bëhej fjalë. Sot Libohova ka filluar të kthehet në një destinacion turistik. Mos t’ju flas pastaj për Tepelenën se po fillova pastaj për Tepelenën rëndohet biseda. Një xhep fals atje ku hynin e dilnin vetëm ata tepelenas që o kishin mbetur aty, o vinin për ndonjë ngushëllim o ndonjë vaki dhe nuk ndalonte njeri fare”.
Kundërshtarët nuk i konsideron si një alternativë.
“Ju i dini si i bëjnë programet. Premtojnë nënë e babë se nuk kanë asgjë në dorë”.
Kryesocialisti do të prezantojë kandidatët edhe në Tepelenë, Këlcyrë dhe Memaliaj.