1 Maji është dita në kujtim të martirizimit në sheshin “Haymarket” dhe njihet si Dita e Solidaritetit Ndërkombëtar të Punëtorëve. Ky manifestim lindi nga lufta e punëtorëve për të kërkuar dhe siguruar të drejtat, liritë dhe kushtet e punës e të jetesës.
Eksperti i punësimit Erion Muça është shprehur se veç 5% e kompanive në Shqipëri respektojnë 100% kontratën e punës për punonjësit. Ai nënvizoi se në shumë kompani në vendin tonë e kanë kontratën e punës vetëm formalisht pasi nuk respektohet pjesa më e madhe e saj.
“5% e kompanive në Shqipëri, që respektojnë kontratën e punës 100%. Ka një tendencë për të punuar me organizatat ndërkombëtare me përfaqësi dhe filiale në Shqipëri, kjo sepse ata vijnë me një model ndërkombëtar të mënyrës se si i trajtojnë dhe vlerësojnë punonjësit. Sot jemi para një fakti, kërkesa më e par ë që duhet bërë është respektimi i kontratës së punës në 100% të saj. Kontrata ekziston formalisht dhe nuk respektohet pjesa më e madhe e saj”,-tha ai.