Kur ende nuk ka shenja se çfarë është bërë me dy 46-vjeçarët e zhdukur në Sarandë, familjarët e Fatmir Sulovarit dhe të Leonard Thodhorit këtë të martë mbajën një protestë para Drejtorisë së Përgjithshme të Policisë së Shtetit në Tiranë.
Vëllai i Fatmir Sulovarit, Gëzim Sulovari foli pas ballafaqimit të tij dhe të afërmve të Leonard Thodhorit me Muhamet Rrubullakun. Ai tha se do të ndërpriten protestat pasi besojnë se hetimet janë në rrugën e duhur. Pas komunikimit me kryepolicin Muhamet Rrumbullaku, familjarët thonë se kanë shpresë që të paktën të kërkojnë për trupat e tyre.
“Nuk na dhanë shpjegime, na thanë jemi në hetime. Tani të shpresojmë, ua kemi lënë në dorë policisë. Unë jam vëllai i madh i Fatmirit. Do e ndërpresim protestën pasi ja lamë në dorë policisë së Tiranës. Ai është zhdukur që nga data 6, s’kemi pasur probleme. S’kemi dyshime sepse s’kemi konflikte me askënd. Leonardin e ka pasur të njohur, nuk kanë qenë shok. Unë personalisht Leonardin nuk e kam njohur. S’e di s’flas dot se nuk di gjë për të. Dëgjuam fjalët e njerëzve se mund të jenë hedhur nëpër fshatrat ku përqëndruam kërkimet. U nisëm me llafe Sarande”,-tha i vëllai i Fatmir Sulovarit.
Prej 27 ditësh, fati i Leonard Thodhorit dhe Fatmir Sulovarit (Krasniqi) nuk dihet ende. Dy 46-vjeçarët dyshohet që të jenë rrëmbyer dhe vrarë në Sarandë, por policia nuk ka arritur ende të zbardhë ngjarjen.