Në Teatrin e Operas dhe Baltetit është zhvilluar një festë e artistëve të njohur që nga këngëtarja Manjola Nallbani dhe aktorja Luiza Xhuvani. Gjatë këtij momenti ndryshe mes artistëve të fushave të ndryshme, kanë qenë të pranishëm edhe ministrja e Kulturës, Elva Margariti dhe kryebashkiaku i Tiranës, Erion Veliaj.
Ata kanë falënderuar artistët për gjitha sakrificat e bëra në emër të profesionit të tyre. Ndërsa Margariti shkruan në një postim në facebook se bëhen përpjekje për t’u rikthyer dinjitetin institucioneve kulturore duke nisur që nga rritja e pagave deri tek përmirësimi i infrastrukturës.
“Bashkë me Erionin kaluam një moment ndryshe me miqtë tanë artistë, ata që na frymëzojnë dhe na mbushin shpirtin me artin e tyre; por që përtej skenës ndajnë me ne të njëjtat problematika. Në këto vite jemi përballur me sfida e vështirësi, por po përpiqemi të luftojmë me kohën për t’u rikthyer institucioneve kulturore dinjitetin që meritojnë; që nga përmirësimi i infrastrukturës, te rritja e pagave”- shkruan Margariti.
