Dita e Dëshmorëve ose “5 Maji” është dita që përkujtohen të rënët e Shqipërisë. Në këtë ditë të shënuar, Kryetari i Bashkisë Mat, deputetë dhe familjarë të të rënëve zhvilluan homazhe në Varrezat e Dëshmorëve të qytetit.
Përmes një postimi, kryebashkiaku Agron Malaj shkruan: “Në këtë 5 Maj ne nderojmë Dëshmorët më të lumtur se kurrë. Pas kemi rehabilituar plotësisht Varrezat e Dëshmorëve, sheshin dhe rrugën hyrëse, tashmë kjo hapësirë ka marrë pamjen që meriton, ndonëse është shumë pak me kontributin e dhënë prej tyre për Atdheun. Lavdi përjetë Dëshmorëve të Atdheut”.