Një 34-vjeçar nga Elbasani ka dhunuar dhe ka kanosur me armë prindërit e tij.
Pas njoftimit, uniformat blu kanë shkuar në banesën e kësaj familjeje, në fshatin Shushicë.
Autori, D. G., sapo konstatoi mbërritjen e shërbimeve të policisë, ka dalë nga banesa dhe ka mundur të largohet në një terren të vështirë malor.
Gjatë kontrollit në banesë, janë gjetur dhe sekuestruar: 1 armë zjarri, 2 pako me lëndë të dyshuar plasëse dinamit, 1 kapsolle detonatore dhe municion luftarak.
Shërbimet e Policisë vijojnë kontrollet për kapjen e D. G.