Fituesi i “Big Brother Albania VIP 2”, këngëtari Luiz Ejlli ka mbajtur mbrëmë koncertin e parë dhe të shumë pritur nga fansat e tij pas finales së madhe. Në krah të tij performoi edhe reperi i famshëm shqiptar, Noizy, i cili gjithashtu ishte i ftuar.
Dyshja foli edhe për një bashkëpunim. Fillimisht Noizy tha se është plan një këngë, pastaj dy dhe më pas pyeti publikun: “Po sikur të bëjmë një album?”. Mes duartrokitjeve të shumta, ai tha se përtej shakave, Luizi sapo të marrë veten do ta fusë në studio dhe nuk do ta lejojë që të dalë për një muaj prej aty.
Luiz Ejlli për 4 muaj u bë kryefjalë dhe një fenomen.