Avokatët e Taulant Malajt, i cili masakroi familjen e tij me thikë kanë rrëfyer se ai ishte i tronditur dhe nuk e ka kuptuar që personi që ka qëlluar ka qenë vajza e tij.
“Malaj i tha prokurorit se fillimisht e vrau Massimon, më pas u ngjit në shtëpi ku filloi të godiste me thikë gruan dhe më pas vajzën, e cila po përpiqej të mbronte nënën e saj. Në atë moment, i verbuar nga inati, ai nuk e kuptoi se ishte përballë vajzës së tij dhe filloi ta godiste. Kishte një lidhje të fortë mes autorit dhe fëmijëve të tij, 16-vjeçares që vrau dhe djalit 5-vjeçar”, deklaruan avokatët Michele Maiellaro dhe Giacomo Lattanzio.
45-vjeçari me profesion bukëpjekës dyshonte se bashkëshortja e tradhtonte me një italian të identifikuar si Massimo De Santis, 51 vjeç, të cilin e qëlloi me një thikë kuzhine duke e lënë të vdekur. Më pas qëlloi me thikë gruan dhe të bijën, vetëm 16 vjeçe, e cila ndërhyri për të ndihmuar të ëmën. Adoleshentja ndërroi jetë në vend, ndërsa gruaja ndodhet në spital, jashtë rrezikut për jetën.