Një shpërthim me lëndë të dyshuar plasëse është regjistruar mëngjesin e sotëm më 9 tetor në Bathore, në Kamëz, ku objektiv ka qenë banesa e një 55-vjeçari.
Sipas njoftimit paraprak të policisë, lënda plasëse ishte vendosur në murin rrethues të banesës dhe shpërtheu rreth orës 05:05.
Nga shpërthimi janë shkaktuar vetëm dëme materiale në murin rrethues dhe në një automjet të parkuar pranë banesës, në pronësi të djalit të 55-vjeçarit. Ndërkohë, grupi hetimor po punon për zbardhjen e rrethanave të ngjarjes dhe identifikimin e kapjen e autorit ose autorëve.
Njoftimi i policisë
Kamëz/Informacion paraprak
Më datë 09.10.2026, rreth orës 05:05, në lagjen Nr. 1, Bathore, është vendosur në murin rrethues të banesës së shtetasit Xh. K., rreth 55 vjeç, një sasi lënde e dyshuar plasëse, e cila ka shpërthyer.
Si pasojë, janë shkaktuar vetëm dëme materiale në murin rrethues të banesës dhe në një automjet të parkuar pranë derës së saj, në pronësi të djalit të 55-vjeçarit.
Grupi hetimor vijon punën për zbardhjen e rrethanave të rastit, si dhe për identifikimin dhe kapjen e autorit/autorëve.