Drejtori i Departamentit për Rendin dhe Sigurinë Publike Drejtues i Lartë, Rebani Jaupi tha gjatë prezantimit të masave për zgjedhjet e së dielës, që kandidati i koalicionit “Bashkë Fitojmë”, Fredi Beleri për Bashkinë Himarës është shoqëruar në Drejtorinë Vendore të Policisë Vlorë.
Duke mos preferuar të japë shumë hollësi, Jaupi ka thënë se nën drejtimin e Prokurorisë së Vlorës ka pasur një procedim penal që ka qenë në ndjekje në lidhje me akuzën për blerje votash për Fredi Belerin.
“Është e vërtetë që Fredi Beleri është shoqëruar në Drejtorinë e Policisë Vendore Vlorë. Nën drejtimin e Prokurorisë së Vlorës, ka pasur një procedim në ndjekje. Për këtë do të ketë sapo të jenë përfunduar veprimet proceduriale do të ketë një njoftim për shtyp. Hollësitë e tjera do të t’i keni në njoftimin që do të ketë për këtë punë”.