Partia Socialiste ka mbyllur fushatën në Dibër. Të pranishme kanë qenë ministet Belinda Balluku, Evis Kushi dhe Frida Krifca.
Gjatë fjalës së saj, Zëvendëskryeministrja dhe njëherësh Ministrja për Infrastrukturën dhe Energjitikën, Belinda Balluku është shprehur se arritje do të jetë kur pas datës 15 Maj të takohen me banorët për të vazhduar me punët e mira dhe programet që kanë përpara.
“Jemi mbledhur shumë herë bashkë, jemi takuar pothuajse përditë, por të takohesh në fushatë nuk është ndonjë arritje e madhe. Arritje e madhe do të jetë për ne, për mua, për secilin prej jush kur të takohemi pas datës 15, çdo ditë për të vazhduar punët e mira, programet që kemi ndarë me ju, politikat, planet që kemi, për të vazhduar çdo gjë që kemi nisur për të ecur vetëm përpara dhe për të mbajtur premtimet se ne atë që themi, e bëjmë.
Unë sot, kam me vete dy shoqet e mia, dy kolege të mijat, njëra është mbesë dibre, Frida Krifca dhe tjetra është gocë Elbasani, Evis Kushi. I ftova sot në këtë mbyllje pasi herën e kaluar kur u mblodhëm këtu ishte Ogerta, pasi folëm për mjekësinë dhe çështjet sociale. Ishte edhe Bora Muzhaqi ku folëm për projektet, programet për fëmijë që ne kemi për ta, por Frida dhe Evisi mbulojnë 2 sektorë shumë të rëndësishëm për Dibrën dhe Matin, bujqësinë dhe arsimin”, deklaroi Belinda Balluku.