37-vjeçari grek që harroi foshnjën 5-muajshe për më shumë se 3 orë në makinë, e kur u kthye e gjeti të pajetë, është liruar nga burgu.
“Ndihem si një person i padobishëm. Do të doja që unë të mos jetoja dhe fëmija im të jetojë ”, i tha 37-vjeçari avokatit të tij, sapo mori vendimin për lirimin e tij.
“Dashuria e dy prindërve do ta kapërcejë vdekjen e fëmijës. Fëmija nuk flinte natën sepse kishte dhimbje barku dhe ata qëndruan gjithë natën zgjuar. Kishte edhe stresin e punës. Ishte një ditë e vështirë për të. Gruaja pak ditë më parë ka bërë një aksident automobilistik së bashku me fëmijën dhe nuk ka dashur të ngiste makinën. Kështu, e vendosën fëmijën në ndenjëse dhe babai e mori përsipër ta çonte në çerdhe. Babai ndaloi për të pirë një kafe dhe në atë moment ia bllokoi mendjen. Fëmija ndoshta ishte në gjumë dhe babai e injoroi plotësisht praninë e tij. As që e mendoi”, tha avokati mbrojtës Dimitris Lambrakis