Kryesuesja e misionit vëzhgues për zgjedhjet e 14 majit, Audrey Glover deklaroi se procesi i votimit po mbikëqyret nga mbi 200 vëzhgues ndërkombëtarë.
E pyetur për krahasimin me zgjedhjet e kaluara vendore, Glover u shpreh se nuk ka vend për krahasim, duke shtuar se në vitin 2019 kishim të bënim me zgjedhje të njëanshme.
“Do të vëzhgojmë të gjithë procesin deri në fund të tij dhe do të bëjmë vlerësimin përkatës. Deri tani situata është e qetë, ndoshta dhe për shkak të motit. Sigurisht që ne e kemi vëzhguar procesin edhe para zgjedhjeve, kemi ende pyetje pa përgjigje. Do të presim raportin përfundimtar që të arrijmë në përfundime. Duhet të presim dhe të shohim. Shpërndarja e materialeve është gjithashtu pjesë e raportit tonë që do të paraqesim të hënën. Zgjedhjet nuk krahason, secila është më vete dhe unike. Të gjitha zgjedhjet janë të rëndësishme, na tregojnë se çfarë kërkojnë votuesit dhe se kush dëshirojnë ata që t’i përfaqësojë. Zgjedhjet e fundit ishin të njëanshme dhe këto nuk kanë krahasim me to. Po vëzhgojmë dhe pjesën e pajisjeve elektronike, jemi në terren, do të shohim se çfarë ndikimi kanë.”