Një vaksinë për të kuruar tumorin agresiv të pankreasit. Kjo është shpresa e fundit e shkencës, që nga testimet individuale mbi çdo pacient vullnetar, ka dhënë rezultate mjaft premtuese duke hapur rrugë shprese mbi të ardhmen dhe kurimin e saj.
Vaksina e personalizuar i mëson qelizat imunitare të pacientit të luftojnë formën më të përhapur të tumorit të pankreasit. Në analizimet e para janë marrë në eskperiment vetëm 16 vullnetarë, kaukazianë, të cilët kanë marrë vaksinën, por si pjesë e integruar e një trajtimi shumë më të gjerë , ku përfshihej chemioterapia dhe një medikament që pengon qelizat tumorale t’i shpëtojnë sisitemit imunitar.
Në të gjitha rastet e sipërpërmendura, pas 18 muajsh terapi, në asnjë prej pacientëve nuk është vërejtur progresion i sëmundjes, por një përmirësim dhe aktivizim i lartë i linfoviteve, qelizat T.
Studimi është publikuar në revistën ndërkombëtare shkencore “Nature”.