Kryebashkiakia Emiriana Sako do të vijojë për një tjetër mandat të dytë të drejtojë Bashkinë duke fituar me një diferencë prej 10 mijë votash ndaj Igli Carës. PS ka siguruar edhe maxhorancën në këshill duke marrë 28 mandate, ndërsa BF ka marrë 13 të tillë.
Vetë PD zyrtare ka marrë 3 mandate, kurse PAA e Agron Dukës ka siguruar 3 mandate në këshillin bashkiak, ndërsa mes tre këshilltarëve të kësaj partie spikat Renald Koka, ose siç njihet ndryshe Ron Koka.
Ky i fundit është djali i Leonard Kokës, vëllait të ish-ministrit Lefter Koka, tashmë në burg për çështjen e inceneratorëve. Koka është përfolur në mediat rozë për një lidhje të mëparshme me Kiara Titon, një ndër emrat më të spikatur të Big Brother VIP sëfundmi.