Autostrada Tiranë-Elbasan është vepra e dytë e madhe publike në historinë e ndërtimit të rrugëve në vendin tonë, pas asaj të “Rrugës së Kombit”. Ndërtimi i saj ka nisur që në 2011.
Së fundmi është çelur dhe tuneli panomarik Tuneli i Kërrabës- Bradshesh, i cili ka rikthyer qarkullimin normal në këtë rrugë, dhe ka eleminuar përfundimisht jo vetëm rrezikun e rrëshqitjeve nga shpati i malit, po ka plotësuar dhe punimet, përfshirë dhe ato të konsideruara si vepra arti përgjatë autostradës.
Puna për eliminimin e rrëshqitjes nisi në Shtator 2018 pas miratimit të projektit teknik nga ARRSH”, ndërsa rrëshqitjet ndodhën në fillim të Dhjetorit 2017.
Aktualisht segmenti që lidh kryeqytetin me Elbasanin është 31 kilometra rrugë dhe e ka shkurtuar kohën krahasuar me rrugën e vjetër nga Qafë Kërraba me 50 minuta.
Kjo autostradë ka 4 korsi, 7 mbikalime dhe 4 nënkalime. Fillimisht ishte parashikuar që autostrada të përfundonte brenda vitin 2014 por gjatë ndërtimit, projekti rezultoi me probleme për shkak të rrëshkitjes së dheut në një zonë me gjatësi 4 kilometra rreth Ibës dhe Mulletit ku punimet janë drejt përfundimit.
Kapërcimi i kostos mbi vlerën fillestare të tenderuar dhe problemet financiare të kompanisë ndërtuese e zvarritën ndërtimin e rrugës për më shumë se 3 vite. Ndërkohë në mesin e muajit maj të këtij viti parashikohet që rruga Tiranë-Elbasan bëhet e kalueshme në të dy kahet e saj, pas 8 vitesh punime.