Gjykata e Elbasanit pritet që të jap këtë të shtunë vendimin mbi masën e sigurisë për katër adoleshentët që u përfshin në vrasjen e 15-vjeçarit në Gramsh.
Prokuroria e Elbasanit ka dorëzuar në gjykatë kërkesën për caktimin e masës së sigurisë “arrest me burg” për katër të miturit, ndërsa akuza e formuluar ndaj tyre është vrasje në bashkëpunim dhe mbajtje pa leje e armëve të ftohta.
Sipas materialeve të dorëzuara në gjykatë, rezulton se të rinjtë që u bënë pjesë e ngjarjes, ishin konfliktuar disa muaj më parë dhe më 16 maj kishin shkuar për të marrë hak duke u pajisur me thika dhe doreza.
Pas konfliktit me fjalë të miturit kanë nisur të përdorin armët e ftohta, ku si pasojë mbeti i vrarë 15-vjeçari Fatjon Bici.