23-vjeçari Arsen Rama, person i arrestuar 3 vite më parë për mashtrim, është bërë shkak që Fredi Beleri të shkojë në burg.
Në emisionin “Now” në Euronews Albania, Ferhati zbuloi se i riu është paraqitur me vullnet të lirë në 8 maj në policinë e Vlorës, duke dhënë informacione se në Himarë disa persona po blejnë vota me shuma nga 50-200 euro. Më pas ai ka pranuar të bashkëpunojë me policinë duke iu vendosur në trup pajisje përgjimi dhe audio.
“Ka qenë i kallëzuar nga një bashkëmoshatar i tij, në atë kohë 20 vjeç dhe është dënuar për mashtrim, pra është i skeduar. Ndaj avokatët e Belerit luajtën sot kartën e besueshmërisë së këtij personi në këtë çështje”, tha gazetari Ferhati.