Trajneri i Kombëtares, Sylvinho do shpallë të shtunën listën e futbollistëve të ftuar për dy ndeshjet kualifikuese të Euro 2024. Nesër në 12:00 të gjithë tifozët do kenë mundësinë të shohin edhe emrat e ftuar për përballjet me Moldavinë dhe Ishujt Faroe, të vlefshme për grupin E kualifikues. Kuqezinjtë luajnë në datën 17 qershor me Moldavinë në Tiranë, teksa më 20 qershor zhvillohet transferta me Ishujt Faroe. Kujtojmë se Shqipëria e futbollit ka zhvilluar vetëm një duel në këtë grup, me tanët që humbën 1-0 në transfertë me Poloninë.
