Në turin e falënderimeve, kryeministri Edi Rama është ndalur këtë pasdite në Sarandë, ku u shpreh mirënjohës ndaj qytetarëve që i besuan votën në zgjedhjet e 14 majit.
Gjatë fjalës së tij, shefi i qeverisë shpalosi edhe porositë që iu ka dhënë kryebashkiakëve të të gjitha bashkive.
“Programi i çdo kryetari bashkie që ka dalë fitues në 14 maj në pikën e parë duhet të ketë njërzillëkun. Çdokush që troket në bashki duhet të trajtohet më mirë se kryetari i bashkisë, nëse ndodh kjo ia kemi arritur qëllimit. Hallin që nuk ma zgjidh, të paktën ma qaj. Kur dikush na zgjidh hallin i themi 1 herë faleminderit, kush na e qan hallin, 10 herë faleminderit”, tha ai.