Sëmundjet tumorale në vendin tonë po pësojnë vetëm rritje. Në raportin e Institutit të Shëndetit Publik për kancerin e zorrës së trashë apo kanceri kolorektal siç njihet ndryshe, thuhet se në 10 vitet e fundit numri më i lartë është hasur në vitin 2017 me 430 raste dhe në vitin 2021 me 492 raste.
Mjekët vlerësojnë si faktor kryesor risku për kancerin e zorrës së trashë, dietën ushqimore.
Edhe vdekjet nga ky lloj kanceri, ashtu si rastet, kanë ardhur në rritje. Sipas ISHP në krahasim me vitin 2015, gjatë vitit 2021 vdekshmëria u rrit me 14%.