Zbulohet shkaku i vendosjes së tritolit në fasonerinë e një shtetasi italian në zonën e Freskut në Tiranë. Atij i ishte vendosur një gjobë prej 100 mijë eurosh nga Edmond Arapi nga Himara, i akuzuar me parë për plagosje.
46-vjeçari e ka kërcënuar disa herë italianin që t’i jepte paratë. Italiani nuk pranoi të paguante gjobën, ndërsa Edmond Arapi më pas organizoi vendosjen e tritolit.
Arapi fillimisht kontaktoi një 16-vjeçar dhe i premtoi 1 milion lekë të vjetra për t’i vendosur tritolin fasonerisë së italianit. Pas vendosjes së tritolit autori 16-vjeçar dhe porositësi janë larguar për t’u fshehur, ku i mituri u arrestua në Valias, ndërsa Edmond Arapi në Himarë.