Deputeti i PD-së Myslim Murrizi është shprehur se Tom Doshi ka marrë 114 këshilltarë në të gjithë Shqipërinë, ndërsa komentoi një foto ku ky i fundit shihet krah socialistëve.
Në një intervistë për Euronews Albania, Murrizi theksoi se Doshi në Shkodër është ‘baba’ pastaj vijnë të tjerët.
Më tej nënvizoi se Doshi ka pasur gjithmonë një mandat deri sa ambasadorja amerikane Yuri Kim, filloi luftën me të.
“Për mua dorëheqjet janë të stisura. Ka marrë 114 këshilltarë në të gjithë Shqipërinë. Atje është baba, pastaj vjen PS më pas PD. Tom Doshi ka që 18 vjet në politikë. Ai ka pasur gjithmonë një mandat deri sa Kim filloi luftën. Me këtë lloj luftë ai deri më tani ka 10 deputetë, po vazhdoi kështu dhe pasaardhësi i Kim, Tom Doshi merr 20 deputetë deri në 2025 merr 20 deputetë”- tha ai.