Ambasadorja e SHBA-së në Tiranë, Yuri Kim e ka konsideruar zhgënjyes vendimin e lirimit nga burgu të ish-ministrit të Brendshëm, Saimir Tahiri.
Mënyrat e vjetra të mosndëshkimit dhe privilegjimit për disa persona, shkruan diplomatja amerikane, vijojnë të jenë prezentë në sistemin e drejtësisë në Shqipëri.
“Shumë zhgënjyese të shohësh se mënyrat e vjetra të mosndëshkimit dhe privilegjimit për disa vazhdojnë në sistemin e drejtësisë. Këto mënyra të vjetra nuk janë të përshtatshme për një aleat të NATO-s dhe aspirantëve të BE-së dhe ato duhet të refuzohen me vendosmëri. SHBA e konsideron korrupsionin si një kërcënim thelbësor të sigurisë kombëtare. Ata që merren me dhënien ose pranimin e kërcënimeve dhe nxitjeve – për shembull, për të ndihmuar miqtë e fuqishëm – duhet të kuptojnë se veprimet e tyre do të kenë pasoja”, shkruan Kim.