Ndonëse aktiviteti parlamentar ka rënë për shkak të mungesës së opozitës, kjo nuk e ka stepur kryeparlamentarin Gramoz Ruçi që të vijojë me projektin për blerjen e një sistemi të ri audio-video për sallën e mbledhjeve të grupeve parlamentare. Në mandatin e saj të parë PS i zhvillonte mbledhjet në selinë e saj, por që prej fillimit të mandatit të dytë, mbledhjet e grupit të saj janë zhvendosur në sallën e katit të katërt të Kuvendit.
Nga dokumenti i siguruar nga tirananews.al mësohet se tenderi i hapur nga parlamenti parashikon blerjen e një sistemi tërësisht të ri për këtë sallë që kap një vlerë prej 8 milionë lek të rinj.
Nuk dihet nëse kjo sallë ku zhvillon mbledhjet PS do të përdoret edhe nga partia që pritet të krijohet nga Rudina Hajdari dhe deputetët e rinj.