Arrestimi i sekretares së Përgjithshme të Ministrisë së Shëndetësisë, u bë temë debati në Kuvendin e Shqipërisë. Për kreun e grupit parlamentar Taulant Balla, është arritje. Ai tha se ka ikur koha kur urdhrat e prokurorisë nuk zbatoheshin, duke sjellë në vëmendje urdhrat për kreun e gardës apo drejtorin e përgjithshëm të Tatimeve.
“Sekretarja e Përgjithshme është në burg dhe përgjegjësitë juridike penale janë personale. Për mua është arritje që arrestohet një sekretar i përgjithshëm se koha kur urdhrat e prokurorisë nuk zbatoheshin për vrasje. Lëshon prokuroria urdhër për komandantin e gardës nuk zbatohej. Urdhri ndaj drejtorit të përgjithshëm i Tatimeve për zhdukjen e një shqiptari të Kosovës që kishte regjistruar takimet e Saliut, nuk zbatohej dhe qëndronte drejtor tatimesh se ishte në arrest shtëpie. Shumë mirë që arrestohet”,-tha Balla.
Ai iu është përgjigjur edhe akuzave të Sali Berishës dhe tha se çdo akuzë duhet të çohet në gjykate dhe jo në foltoren e Kuvendit. Balla njoftoi gjithashtu se në konferencën e parë të kryetarëve do të diskutohet ndërhyrjet e huaja, kryesisht nga Rusia në funksionimin e institucioneve demokratike në vend
“Në konferencën e parë të kryetarëve ta diskutojmë që edhe Kuvendi i Shqipërisë të ngrejë komision të posaçëm për të verifikuar të gjitha ndërhyrjet e huaja. PD ka qenë një nga subjektet politike që rezulton financim i huaj me burime të dyshuara nga Rusia. Ka pasur një hetim të dështuar nga prokuroria, ka edhe prova të bëra publike dhe së fundi për drejtues të një partie tjetër. Shqipëria nuk është imune”.