Puna për veshjen e pallateve në lagjen “Pjetër Budi” Burrel vijon me intensitet të lartë.
Sipas kryetarit të bashkisë Agron Malaj synohet që ky projekt i rëndësishëm dhe me interes për qytetarët të shtrihet në të gjithë qytetin e Burrelit, në 114 objekte të përbashkëta.
Investimi i nisur është mirëpritur nga qytetarët pasi kjo veshje me polisterol do të ndikojë në shpenzimet e tyre, pasi në dimër banesat do të jenë më të ngrohta dhe në verë më të freskëta, çka do të ndikojë në kursimin e energjisë elektrike.