Meri Kumbe, zv ministre e Kulturës, është propozuar për kandidate për amabasadore në Izrael. Në fjalën e saj, Kumbe tha se nëse ajo zgjidhet si përfaqësuese, objektiv i saj është zhvillimi dhe thellimi i bashkëpunimit në mbrojtjen kibernetike, biznesit, bujqësisë, turizmit e se fokus të veçantë ka rritja e investimeve izraelite në Shqipëri. Deputeti i Partisë Demokratike, Agron Gjekmarkaj, tha se se CV e saj është për t’u vlerësuar, por jo për Izrael, por për në UNESCO.
“CV e zonjës Kumbe është për tu vlerësuar. Në optikën time modeste si njeri që nuk është se pretendon ta njohë mirë diplomacinë, ju shoh më afër një pune në UNESCO sesa në Izrael. Ky është një gjykim i çastit, ndoshta koha më përgënjeshtron. Ne kur s’bëjmë diplomaci, bëjmë folklore. Kjo ndodh prej shumë vitesh në vendin tonë.
Vërtet na bënë nder mbrojtje e hebrenjve, smund të rrimë gjithë jetën me atë kambanë. Marrëdhëniet me fjalë i kemi të mira me Izraelin, por janë të sabotuara. Skemi marrëdhënie të mira as në nivel politikë, as në nivel ekonomik.
Uroj të mos jeni atje për të mbajtur kandilin e diplomacisë ndezur me Izraelin. Marrëdhënien me konferenca Islamike na kushtëzojnë disi marrëdhëniet me Izraelin, nuk e di si do menaxhohet kjo, për të dalë mbi këtë kushtëzim që na vjen nga Turqia, apo konferenca islamike mbi Izraelin?”– tha Gjekmarkaj.