George Clooney, po humb shumë peshë dhe miqtë e tij kanë fajësuar të shoqen, Amal-in. Sipas lajmeve në “Marca” ka pasur një shqetësim të madh te të afërmit e Clooney-t, pas paraqitjes së tij në “The Prince’s Trust Awards” në Londër.
“Miqtë e tij janë të shqetësuar se ai nuk po kujdeset mirë për veten. Ai duhet të ndiejë shumë presion për të mbajtur peshën e tij dhe për të vazhduar me Amalin pasi ata bëjnë shumë paraqitje magjepsëse së bashku. Të gjithë thonë se duhet të shtojë më shumë peshë”, citon i njëjti burim.
Kjo nuk është hera e parë që Clooney humb peshë në mënyrë drastike. Në vitin 2020, ai luftoi me pankreatitin, duke rënë shumë nga pesha.
Sipas të njëjtit burim, Clooney dhe Amal kujdesen për ushqimin, por kohët e fundit si duket ky kujdes është kthyer në shqetësim.