Ka nisur procedimi penal ndaj pronarit të hostelit në Himarë N. B., 41 vjeç, që terrorizoi turistet gjermane.
Ditën e djeshme turistet denoncuan pronarin e “Himarë Relax Hostel”. Ato thanë se rezervuan në një hostel përmes platformës “Booking”, por kur mbërritën në vendin e caktuar u përballën me një sjellje jashtë normave të etikës nga pronari i dehur, i cili jo vetëm që i përndjek, por edhe i shan me një fjalor rruge.
E si të mos mbaronte me kaq, ku përjetimet ishin të frikshme, ai i ka thënë se do u nxirrte organin gjenital. Dy pushueset e kanë përcjellë denoncimin tek JOQ”, që edhe qytetarët e tjerë të cilët do të prenotojnë, të kuptojnë se kanë të bëjnë me një njeri që duhen marrë masat, pasi përbën rrezik.