Mbi 60 mjekë të rinj specialistë i bashkohen spitaleve rajonale dhe bashkiake. Ministrja e Shëndetësisë dhe Mbrojtjes Sociale, Ogerta Manastirliu në një aktivitet e organizuar në ambientet e MSHMS-së, tha se këta mjekë do të përforcojnë ekipet mjekësore për të garantuar shërbim të specializuar për qytetarët, kudo ku ata jetojnë.
“Jemi të vendosur të vijojmë rrugën e nisur prej 8 vitesh radhazi me rihapjen e specializimeve në Mjekësi, ku deri më sot janë rreth 500 mjekë specialistë të punësuar në çdo rajon të vendit, që kanë zbutur hendekun e krijuar ndër vite”, tha ministrja.
Ajo theksoi se , “me rritjen historike të pagave mbi 50 mijë lekë dhe kushtet e punës që kemi krijuar në spitale, mjekët e rinj do të jenë padyshim një vlerë e shtuar që do të shërbejnë me profesionalizëm e devotshmëri, aty ku janë nevojat e vendit”.