Partia Demokratike zyrtare ka thirrur pasditen e sotme mbledhjen e Kryesisë.
Në fokus të diskutimeve do të jetë zgjedhja e kryetarit të ri të PD-së zyrtare.
Pritet që në këtë mbledhje të shtrohen 3 pika të rëndësishme që kanë të bëjnë me procesin zgjedhor.
Së pari, do të jetë miratimi i grupeve të punës që do të ndjekin procesin e certifikimit të PD-së me të drejtë vote që do të marrë pjesë në procesin zgjedhor për zgjedhjen e kryetarit të ri të kësaj force politike.
Së dyti, do të jetë edhe miratimi i rregullores së brendshme që lidhet me modalitetet që kanë të bëjnë me procesin zgjedhor për të zgjedhur kryetarin e ri.
Së treti, diskutimet do të kenë të bëjnë me plotësimin e vakancave në komisionin zgjedhor të PD-së që do të ndjekë të gjithë procesin e zgjedhjes së kryetarit të ri.