Të premten e fundit ishte planifikuar mbledhja e parë e Këshillit të Bashkisë Bulqizë, betimi i kryebashkiakes Festime Mjeshtri, zgjedhja e kryetarit të Këshillit Bashkiak dhe anëtarëve të Këshillit të Qarkut Dibër.
Mbledhja nuk është mbajtur dhe shkak sipas autoriteteve vendore të Bulqizës është bërë Gjykata e Dibrës.
Mësohet se gjyqtari që duhet t’i faktonte mandatin kryetares së Bulqizës Festime Mjeshtri nuk e ka realizuar këtë gjë, ndërkohë shkaqet nuk janë bërë ende të ditura.
Vetëm disa orë para fillimit të mbledhjes këshilltarët e rinj të bashkisë Bulqizë janë rinjoftuar se mbledhja për konstituimin e Këshillit Bashkiak do të mbahet në një datë tjetër.