Alma Kaçi personazi më i komentuar i momentit, është 40 vjeçarja që u filmua në zyrën e Safet Gjicit, duke kryer marrëdhënie intime. Ajo ka një arkivë me foto në krah të personazhe publikë në vend. Me sa duket Gjici ka qenë vetëm një nga viktimat e 40 vjeçares, nënë e një fëmije, që u afrohej prej vitesh njerëzve publikë.
Sesa nga këto histori kanë përfunduar deri te kamerat e fshehta që mbante me vete Kaci, kjo ndoshta nuk do zbulohet kurrë. Nga të dhënat në qendrën Kombëtare të Biznesit, Alma në vitin 2021 ka themeluar një kompania me qendër në Tiranë, e cila ka si objekt “shërbime konsulence dhe shërbime menaxheriale për biznese të treta”.
SPAK pritet të sekuestrojë dosjet në Bashkinë e Kukësit gjatë kohës që institucioni është drejtuar nga Safet Gjici për të parë nëse gruaja në fjalë ka marrë ndonjë tender apo projekt në emër të kompanisë së saj apo personave të tretë, çka nënkupton se po hetohen edhe kontratat e fituesve te tenderave me kompanitë nënkontraktore.
Menjëherë pas publikimit të videos Prokuroria e Posaçme nisi hetimin ish kryebashkiakun Gjici për akuzën e shpërdorimit të detyrës, për shkak se ai shfaqet në video duke kryer marrëdhënie intime në zyrën e tij të punës.
