Sulmi ndaj gazetarëve në Leposaviç, arrestohet një serb

Policia e Kosovës ka vënë në pranga një të dyshuar për sulmin ndaj gazetarëve në Leposaviç më 16 qershor. Sipas policisë, i dyshuari është i komunitetit serb, i identifikuar me iniciale, U.V. “Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, u tha në njoftimin e policisë.