Përballë lëvizjes së Patozit për krijimin e një partie të re dhe që pritet të garojë në zgjedhjet vendore, Lulzim Basha ka planifikuar që këtë të martë në orën 09.00 PD të nisë firmosjen e marrëveshjeve për krijimin e koalicionit opozitar.
Me koalicionin e PD bashkohen partitë kryesore të opozitës, që kërkojnë zgjedhje të lira e të ndershme pa Edi Ramën kryeministër.
Burime për tirananeës.al bëjnë me dije se pjesë e marrëveshjes do të jetë dhe krijimi i një qeverie tranzitore që do të garantojë zgjedhje të lira e të ndershme dhe do t’i hapë rrugë drejtësisë për të ndëshkuar ata politikanë që janë faktuar se kanë blerë zgjedhjet. Disa nga partitë nënshkruese janë: LSI, PR, LZHK, PBDNJ, PAA, PDK, PDIU.