Ka nisur ditën e djeshme Festivali Folklorik Kombëtar në Gjirokastër që pritet të zgjasë një javë ku do të performojnë 1200 artistë jo vetëm nga Shqipëria.
Për të folur në lidhje më këtë në emisionin “Review” në Euronews Albania, ishte e ftuar ministrja e Kulturës Elva Margariti.
Kjo e fundit tha se festivali vjen në kohën e duhur, duke theksuar se përveç grupeve shqiptare në këtë festival do të ketë grupe dhe nga Mali I Zi, diaspora në SHBA, Zvicër dhe arbëreshët e Italisë.
“Festivali vjen në momentin e duhur. Festivali mungoi për tre vite. Është një festival mbarëkombëtar. Dje kishim ansamblin shtetëror të shqiptarëve të Maqedonisë së Veriut, sot kemi grupin e Malit të Zi, do kemi arbëreshët e Italisë, do kemi diasporën e SHBA, të Zvicrës. Është një festival që risjellë traditën e të folurit, kënduarit dhe kostumeve shqiptare në të gjithë botën”- tha ajo.